ක්ෂිතිජ ඉම මත රැඳුනු නැවුබඳ - නිසල මුහුදක ලකුණු දනවයි
වෙරළ අසබඩ පෙලෙන ජලකඳ - සසල රැලි හා පෙරලි කරවයි
ජලජ මිහිමත මැවුණු කතරද - විරල මිරිඟුව කැරලි අවුලයි
ධවල පිරුවට මතින උන්වද - කිරුළ පසෙකින ගිලී ඇවිලෙයි
සිහින සතකින පසුව එළැඹෙන - මුරුගසන් වරුසාව උසුලා
බැවින සසොබන පලස වියමන - පිරියමෙන් ලියකමින් උදුලා
සිතින ඇවිලුණු නුවරු බලමින - මදහසින් පිරියම විපුල්ලා
පිරුන සඳ දිසි අහස අරගෙන - බබලමින් කුමරිය නිදැල්ලා
