ලේ දන්දෙන පින්කම් ගැන නම් ඉතින් අනන්ත අප්‍රමාණ දේවල් අහල ඇති නොවැ ..... ඒ ගැන නෙවෙයි මම මේ කියන්න හදන්නේ... මේ සිරස්තලය දැක්ක ගමන් මට හැදෙන අමුතු ගාය සහ එත් එක්ක මට මුණ දෙන්න උන සිද්දි ගැනයි...
මම ඉතින් කොතරම් වීරකම් දැම්මත් අත පොඩ්ඩක් තැලුන ගමන් දෝය්යා!!! ඒ කියන්නේ ජබර කලන්තේ!! මම ඒ පිලිබදව කප් එකත් උස්සල තියෙන්නේ... ඒ කියන්නේ ඕනෑම තැනක... වතුරේ පවා ඉදන් කලන්තේ දැමීමේ සුපිරි හැකියාව ! ඉස්කෝලේ තමයි මම හිතන්නේ වැඩිපුරම රෙකෝර්ඩ් තියල තියෙන්නේ.. හැබැයි ඉතින් අර උදේ රැස්වීම් තියෙන වෙලාවට වගේ නම් නෙවෙයි... කව්රු හරි වැටිලා තුවාල වෙලා ඉන්නවා දැක්කොත්, එතකොට දතක් හරි වෙන මොකක් හරි ගැලවිලා දැක්කොත්, අතක් පයක් එහෙම serious විදියට තුවාල වෙලා දැක්කොත්, කොටින්ම කියනවා නම් ඒ ගැන කතා කරන තැනක හිටියත් ඇති! හික් හික්.... එක පාරට ඔලුව උඩින් කාර් යන්න පටන් අරන් ටිං ... ගානවා විතරයි දන්නේ... ඉතිරි ටික දන්නේ ඉතින් වටේ ඉන්න උදවිය තමයි..... පව් දෙය්යනේ මගේ යාලුවෝ තමයි ඉතින් උස්සන් ගිහින් කොහේ හරි තැනක දාල මට සිහිය ගන්නේ... මට මතකයි මට සිහිය යන්තමට තියෙන වෙලේ මගේ හොදම යාලුවෙක් බනිනවා
"මගේ අම්මේ මේකිගේ බර!... $#%$$$" කියල.... මම ඉතින් නෑහුනා වගේ හිටිය ඉතින් මක් කරන්නද නේද :D
මෙන්න මේ වගේ ඉතිහාසයක් තියෙන මට කැම්පස් එකේ පලවෙනි වසරේදී හිතුන මේක මහා විකාරයක් කියල... ඒ අස්සේ ඉතින් අපේ බැචේක්ගේ හදවත් සැත්කමක් කරන්න තිබ්බ. දන්නවනේ ඉතින් ඒ දවස් වල බැච් වෙනුවෙන් පණ උනත් දෙනවා.. අපි ඉති සූ ගල එහෙ මෙහෙ දුව දුව උ වෙනුවෙන් සල්ලි හෙව්වා. කැට හෙලෙව්වා... වෙන වෙන කැම්පස් ගානේ ගිහින්, පාරේ , බස් වල... නොගිය තැනක් නැහැ. අදත් ඒ හින්ද මම බස් එකකට නගින ඒ වගේ කෙනෙක් වෙනුවෙන් සල්ලි දෙනවා. මොකද මම දන්නවා අපි කරපු දේවල තිබ්බ ස්පිරිට් එක...( අපි උදව් කරපු ඒ බැචා නම් දැන් මූණ බලන්නේ වත්, කතා කරන්නේ වත් නැහැ.. එතරම් ෆිට් එක!) ඔන්න ඉතින් හදවත් සැත්කමට දිනෙත් දීල අපි ඔක්කොම දැන් සීරුවෙන්... බැචා කිව්වා ලේ ඕනේ හින්ද ලේ බැංකුවෙන් ඒ වෙනුවට අපිට ලේ දෙන්න පුළුවන් කියලා. එතකොට එයට නොමිලේ ලේ නිකුත් කරනවා ලු, මොකද ඔපරේෂන් එක කලේ පුද්ගලික රෝහලක. තිබ්බ ෆිට් එක කොතරම්ද කියනවා නම් බැච් එකේ බාගයක්ම එතනට ගිය ලේ දෙන්න කියල. ඒ අස්සේ ඉතින් මමත් ගියා ලේ දෙන්න... පපුව ඩික් ඩික් නෙවෙයි ඩෝන් පටෝන් ගානවා... එත් ඉතින් බැච් ෆිට් එක වටිනා නිසා ගියා... මමත් එක්ක ඉතින් වෙන කෙල්ලෝ ආවේ 2යි.. එකෙක් මට වැඩ මහතයි..
ඌ ගියා... බර කිරුවා... ok
ලේ වල හිමොග්ලොබින් බැලුව..... reject !
අනිත් එකී ගියා.... බර කිරුවා.... බර කිරණ එකා එකී දිහා බැලුවා... එතරම් බර අඩුයි.....
මම ඒකිට වඩා ඔන්නම් කිලෝ 2ක් බර ඇති.... මම හෙමීට හිනාවක් දාල මාරු උනා...
ඔන්න මගේ පලවෙනි ලේ දන් දීමේ පිංකම!
to be cont...
මම නම් ලේ දීලම නැහැ. දැන් කලන්තේ හැදෙන්නේ නැත්ද අර වගේ?
ReplyDeleteඔතන යටම තියෙන to be cont.. ලින්ක් එක ක්ලික් කරලා බලන්ටකෝ.....
Deleteහුහ්.. කලන්තේ??? කලන්තේ නෙවෙයි ඒකට කියන්නේ ජබර කලන්තේ.. අනේ මන්ද මම කවදාහරි දවසක ලෝකප්‍රසිද්ධ වෙනවා මේක හින්ද..